MUSIKA
MUSIKA
Musika
MUSIKA FAMILIAN
MUSIKAREKIN JOLASEAN
(0-3 urtekoentzat familiako baten laguntzaz)
Musika saio hauek Edwin Gordon-en musika ikasteko teorian (MLT: Music Learning Theory) oinarrituta daude. Gurasoen partehartzea oso garrantzitsua eta onuragarria izango da eurek baitira haurraren erreferenteak.
Familian, musika-aberarastasun handiko tartea biziko da , ahotsa, mugimendua eta haurra bera protagonista delarik.
MUSIKA TAILERRA
MUSIKAREKIN JOLASEAN 4 eta 5 urtekoentzat
Erabiltzen den metodologia guztiz aktiboa da. Umeak musika sentitzen du modu praktikoan erabiltzen duelako. Erritmoarekin, soinuarekin eta perkusio txikiarekin harremanetan jarri eta ahotsa zelan erabiltzen den ikasten hasten da, dena, joko gisa planteatutako dinamikek bideratuta, kontzeptu zehatzetatik abstraktuetara, sinpletasunetik konplexutasunera, helaraztea ahalbidetuko diotenak.
MUSIKA HIZKUNTZA LH1etik LH6ra
Musika-hizkuntza modu sakonagoan lantzen da, musika-idazkerarekin lotura estuagoa mantenduz. Umea partiturak irakurri eta interpretatzeko gai izango da, txirularekin, ahotsarekin zein perkusio txikiko instrumentuekin.
Lh3-tik aurrera eskaintzen diren bestelako instrumentuak era praktikoan ezagutzeko aukera izango du, errotatibo instrumental edo harremanetan jartzeko saioak deritzegun jardunaldi pedagogikoak burutuko dira.Aukeran dauden instrumentuak ondorengoak dira: akordeoia, trikitixa, pianoa eta guitarra. Aipatutakoez gain, aurrerago, Lh5.mailan, ikasleek alboko flauta ikasteko aukera izango dute.
MUSIKATU D.B.H.
Maila honetan ikasleak musikarekin duen kontaktua guztiz praktikoa da. Arlo eta ekintza ezberdinak landuko dira: gorputz-perkusioa zein perkusio instrumentala, dantzak, kantak, formazio musikalak.
MUSIKATU-ren eskaintza D.B.H. osoko ikasleei zuzenduta dago.